O Libro da Vaca

Nesta monografía de 1.635 páxinas artéllanse harmonicamente 12.000 entradas léxicas, 5.000 fraseolóxicas e máis de 1.300 elementos da tradición oral, recollidos de 2.411 fontes de información e 293 concellos de Galicia (e algúns do galego exterior), referidas exclusivamente ó gando vacún e ós seus produtos e subprodutos.

Non é un libro de terminoloxía, porque recolle as variantes dialectais, pero ofrece as bases para a decisión terminolóxica. A organización do material é a da ciencia veterinaria: exterior, características, fisioloxía, anatomía, a vaca na alimentación, reprodución, patoloxía (infecciosa, parasitaria, médica, cirúrxica, da reprodución, síndromes), actividade do gando e do gandeiro, o trato ou comercialización, os espectáculos con bovinos, as crenzas e calendario gandeiro, a vaca como referencia mental, mítica ou ritual, o humor gandeiro, a presenza na toponimia e na literatura galega.

Neste repaso case exhaustivo a un campo semántico a lingua galega aparece como unha ferramenta de enorme precisión e riqueza; e a vaca, factor decisivo da economía de Galicia, resulta ser unha referencia mental colectiva, case o animal totémico de Galicia.

(Visited 15 times, 1 visits today)

Tal vez che interese

DEIXA O TEU COMENTARIO

O teu enderezo electrónico non se publicará Os campos obrigatorios están marcados con *

Este sitio web utiliza cookies para que teña a mellor experiencia de usuario. Se continúa a navegar está a da-lo seu consentimento para a aceptación das mencionadas cookies e a aceptación da nosa política de cookies, pique na ligazón para maior información.

ACEPTAR
Aviso de cookies